Ragnheiður Jónsdóttir | maí. 1. 2013 | 07:00

PGA: Poulter ekki með í Wells Fargo

Ian Poulter flaug til Charlotte í gær til þess að tala við krakka úr Boys & Girls Clubs um notagildi þess að beita vísindum og stærðfræði í golfleik.

Þetta er hluti af því sem PGA Tour leikmenn gera gjarnan í þeim bæjum sem þeir spila í, vikulega. Það sem er óalgengara er að þeir fljúgi heim eftir að þessum hluta (sem oft fellst í einhvers konar kynningar- eða góðgerðarstarfsemi)  mótsins er lokið.

Eftir að hafa talað við krakkana, dró Poulter sig úr Wells Fargo Championship og skv. umboðsmanni hans, bar Poulter fyrir sig „persónulegum ástæðum.“

Aðeins nokkrum dögum áður hafði Poulter tvítað um það, að sér litist ekki á flatirnar í Quail Hollow, en þær hafa sætt nokkurri gagnrýni.

Poulter áætlar að spila næst í the Players Championship.