PGA: Myndskeið: Hápunktar lokadags Sony Open og örn Keegan Bradley – Johnson Wagner sigraði!

Alltaf eru að koma fram „nýir“ kylfingar, sem sigra mót… og nú er Bandaríkjamaðurinn Johnson Wagner einn af þeim. Hann sigraði í nótt á Sopy Open í Hawaii. Sigurskor hans var upp á samtals -13 undir pari, þ.e. samtals 267 högg (68 66 66 67).

Johnson hefir unnið meira en nokkru sinni að leik sínum í keppnisfríinu frá PGA og hefir misst 10 kíló. Hann lét sér vaxa yfirskegg og er kominn með þykkan skráp vegna viðbragða fólks við því. Og hann sagði fjölskyldu sinni og vinum frá því að hann myndi sigra snemma á árinu og spila á Masters.

Og í nótt stóð Johnson Wagner við stóru orðin.

Hann spilaði skolla-laust síðustu 12 holurnar, sem var uppskrift að sigri á erfiðum degi á Waialae og lauk hringnum á -3 undir pari, 67 höggum og átti 2 högg á næsta mann, en  með því skori er hann kominn á topp FedExCup listans, sem fyllti hann jafnvel enn meira sjálfstrausti um leik sinn fyrir restina af keppnistímabilinu.

„Ég sagði fólki örugglega að það gæti búist við einhverju snemma á árinu, sem var góð tilfinning,“ sagði (Johnson) Wagner. „Venjulega er sjálfsöryggi mitt lítið. Ég er nokkuð feiminn og inn í mig. En af einhverri ástæðu hafði ég bara meiri orku og sjálfsöryggi í byrjun þessa árs.“

Í 2. sæti urðu: Svíinn Carl Petterson og Bandaríkjamennirnir  Sean O´Hair, Harrison Frazar og Charles Howell III, 2 höggum á eftir Johnson á samtals -11 undir pari.

Saman í 6. sæti voru 4 kylfingar, allir á -10 undir pari, m.a. Matt Every, sem búinn var að leiða mestallt mótið.  Hann átti „slæman“ lokahring upp á 72 högg, meðan allir á toppnum í kringum hann „breakuðu“ 70.

Loks voru 3 kylfingar í 10. sæti, þeir Brendan de Jonge, frá Suður-Afríku, David Hearn frá Kanada og John Rollins frá Bandaríkjunum allir á -9 undir pari.

Högg þessa 4. og lokahrings Sony Open átti nýliði PGA frá því í fyrra, US Open sigurvegarinn Keegan Bradley. Sjá má myndskeið af erni Keegan með því að smella hér: ÖRN KEEGAN BRADLEY Á LOKAHRING SONY OPEN 15/1 2012

Til þess að sjá úrslitin á Sony Open í heild  smellið HÉR: 

Til þess að sjá hápunkta frá 4. degi Sony Open smellið HÉR: