PGA: Myndskeið af hápunktum 2. dags Humana Challenge og höggi dagsins, sem Phil Mickelson átti!

Phil Mickelson lék 2. hring á Humana Challenge á -3 undir pari, 69 höggum og rétt missti fuglapúttið á síðustu holunni. Hann byrjaði daginn á að vera +2 yfir (74 högg) og kom því tilbaka, er núna á samtals -1 undir pari, en er í einu af neðstu sætunum, nánar tiltekið deilir hann 124. sætinu með 4 öðrum þ.á.m. Greg Norman. Phil átti mörg góð færi á 2. hringnum, sem fóru forgörðum. Í viðtali sem tekið var við hann eftir hringinn sagðist hann samt vera ánægður með hringinn þ.e. að hafa náð að leiðrétta lélegt skor gærdagsins að nokkru og spenntur að vera á mótinu.

Phil var talinn eiga besta högg 2. hrings, en það tók hann með 6-járni á par-3, 17. holunni. Höggið, sem var gullfallegt, lenti rétt hjá pinna og Phil var ekki í erfiðleikum að setja það niður. Þetta var 3. fuglinn hans í röð á hringnum, þar sem m.a. litu dagsins ljós 1 skrambi, 2 skollar og 6 fuglar.

Til þess að sjá mynskeið af höggi 2. dags á Humana Challenge, sem Phil Mickelson átti, smellið HÉR:

Til þess að sjá myndskeið af hápunktum 2. dags á Humana Challenge, smellið HÉR: