PGA: Leik á 3. hring Humana Challenge frestað vegna hvassviðris – Wilson leiðir

Í kvöld átti  3. keppnishringur á Humana Challenge mótinu að fara fram á PGA West, La Quinta í Kaliforníu. Fresta varð 3. hring miðja vegu vegna hvassviðris, sem olli skemmdum á öllum 3 golfvöllum La Quinta golfstaðarins. Tré féllu við, boltar fuku af flötum og meira að segja ein skortaflan lenti í vatni.

Mótið mun halda áfram kl. 7:30 að staðartíma (kl. 15: 30 að íslenskum tíma) og eins og staðan er núna hefir Bandaríkjamaðurinn Mark Wilson 3 högga forystu á landsa sinn Ben Crane.

Enginn meiddist í Pro-Am mótinu – en áhugamennirnir, sem þátt taka í mótinu, þ.á.m. fyrrum forseti Bandaríkjanna, Bill Clinton, fá ekki að ljúka leik á sunnudag.

„Þetta er slæmt,“ sagði Slugger White, varaforseti reglna og mótahalds á  PGA TOUR. „Það er mikið af trjám sem hefir rifnað upp. Þetta er allt í klúðri… Við vissum að vindurinn yrði mikill en við töldum að það væri eitthvað sem ráðið yrði við, en síðan datt botninn úr.“

White taldi að hægt yrði að ljúka 4. hring á sunnudeginum (á morgun) „í fullkomnum heimi.“ Wilson hins vegar dró það í efa eftir vindhviður dagsins.

„Það er undravert hversu fljótt allt skeði, en við sáum það fyrir,“ sagði Wilson, sem er -21 undir í mótinu og er á -5 undir pari eftir 15 spilaðar holur í La Quinta Country Club, sem varð fyrir mesta tjóninu. Maður vill ekki sjá að neinn slasist.“

Flestir kylfingar höfðu lokið við að spila 9 holur þegar ófært var að halda leik áfram. M.a. varð að saga þykka trjástofna sem fallið höfðu á golfvöllinn

Clinton og Greg Norman höfðu rétt slegið drævin sín á 10. teig á Palmer einkavellinum þegar leik var frestað. Stuttu síðar flaug skortafla í vatn þarna rétt hjá, þ.e. sem snertir 10. og 18. braut.

[…]

Til þess að sjá stöðuna eftir að 3. hring á Humana Challenge var frestað smellið HÉR: 

Til þess að sjá myndskeið af eyðileggingunni á La Quinta, smellið HÉR: 

Heimild: PGA Tour