PGA: Kylfusveinn Hadley datt og beyglaði pútter hans – Myndskeið

Chesson Hadley er nýliði á PGA Tour – einn af „nýju strákunum“ sem Golf 1.is á eftir að kynna – en hefir það sem af er keppnistímabils vakið nokkra athygli á sér og er eflaust maður sem við eigum eftir að heyra meira af í framtíðinni. Hann varð í 3. sæti á peningalista Web.com Tour og hlaut þannig keppnisrétt á PGA Tour keppnistímabilið 2013-2014.

Hadley hóf leik í Wells Fargo mótinu þ.e. spilaði fyrstu tvo hringi mótsins en komst ekki í gegnum niðurskurð.

Á 2. hring, þ.e. í gær, varð kylfusveinn Hadley fyrir því óláni að detta með allar kylfur Hadley og beyglaði pútter Hadley í fallinu, þ.e. skaftið beyglaðist.

Hadley náði þó engu að síður fugli á næstu holu með beyglaða pútternum, en hann kaus að pútta rétt fyrir utan flöt fyrir erni og boltinn rétt fór framhjá og hann átti eftir örstutt pútt fyrir fugli.

Hadley var einn af þeim ólánsömu, sem ekki komust í gegnum niðurskurð á Wells Fargo mótinu, spilaði hringinn með beyglaða pútternum á 78 höggum og var deginum þar áður búinn að eiga ólánshring upp á 75 högg! Samtals var hann á 9 yfir pari, sem er hreinlega alltof mikið á móti sterkustu atvinnumannsmótaraðar heims.

Hér má sjá myndskeið af atvikinu þegar kylfusveinn Chesson Hadley datt SMELLIÐ HÉR: