PGA: Justin Leonard og Kevin Chappell í forystu fyrir lokadag CMN Hospitals Classic

Það eru Justin Leonard og Kevin Chappell sem deila 1. sætinu á Children´s Miracle Network Hospitals Classic mótinu í Disney. Báðir eru á -14 undir pari, á samtals 202 höggum; Justin (69 63 70) og Kevin (70 66 66). Einu höggi á eftir er Bio Kim frá Suður-Kóreu, sem berst fyrir að halda kortinu sínu á PGA. Fjórða sætinu deila Nick O´Hern og Henrik Stenson, 2 höggum á eftir forystunni.

Webb Simpson hefir 1 höggs forskot á Luke Donald, er búinn að spila á samtals -10 undir pari, þ.e. samtals 206 höggum (68 69 69); meðan Luke er á samtals 207 höggum (66 71 70). Hér eru sett upp nokkur tilvik hvernig Webb Simpson getur komið í veg fyrir að Luke Donald hreppi efsta sætið á PGA peningalistanum:

* Ef Luke Donald sigrar, verður Webb Simpson að vera einn í 2. sæti til þess að Arnold Palmer Trophy sé hans.
* Ef Luke Donald verður í 2. sæti, verður Webb Simpson að verða einn í 8. sæti eða sæti þar fyrir ofan.
* Ef Donald verður T-2, verður Webb Simpson að verða T-21 eða ofar til að sigra peningatitilinn.

Það lítur því ekki nógu vel út fyrir Luke Donald og í raun er Webb Simpson svo til búinn að tryggja sér efsta sætið á peningalistanum.  En það er best að spyrja ekki fyrr en að leikslokum.

Hér má sjá stöðuna fyrir lokahringinn, sem spilaður verður á morgun á:  CMN Hospitals Classic