PGA: John Daly fær bíl fyrir ás!

Varla er Sony Open búið þá er John Daly aftur í fréttum ….. en ekki fyrir neinn skandal!

Daly tók þátt í Pro-Am móti fyrir Humana Challenge, sem er mót vikunnar á PGA Tour og viti menn Daly átti draumahögg, fór holu í höggi!

John Daly klæddist litríkum golffatnaði að vanda á Sony Open 2014

Fyrsta höggið, sem Daly sló með nýja Callaway 9-járninu sínu, fór beint ofan í holu, en aðstoðarmaður frá Callaway hafði nýlokið við að afhenda Daly kylfuna.

Ás Daly kom á 154 yarda (141 metra)  7. holu á PGA West Nicklaus golfvellinum.

„Ég fylgdist ekki einu sinni með hvert höggið fór,“ sagði Daly. „Ég beygði mig bara niður (eftir að ég sló) til þess að ná í tíið mitt og sagði stráknum frá Callaway sem kom með kylfuna að tilfinningin væri bara býsna góð með kylfuna.   Hann svaraði: „Góð vegna þess að boltinn fór rétt í þessu í holuna!“

Það er alltaf sætt að fara holu í höggi – sumir ná því aldrei allan feril sinn -en það besta var að það voru verðlaun fyrir að fá ás á holuna – Daly fékk glænýjan Hyundai Equus, glæsibíl  2014 árgerð, sem kostar meira en  $60,000 (meira en 6,2  milljónir íslenskra króna).

Spennandi að vita hvað gerist næst hjá Daly!