PGA: Hunter Mahan sigraði á Shell Houston Open

Það var heimsmeistarinn í holukeppni 2012, Hunter Mahan, sem sigraði á Shell Houston Open. Mahan spilaði hringina 4 á Shell Houston á samtals -16 undir pari, samtals 272 höggum (69 67 65 71) og munaði 1 höggi á honum og þeim sem næstur kom, Svíanum Carl Petterson.

Í 3. sæti varð Louis Oosthuizen, sem búinn var að leiða mestallt mótið en arfaslakur hringur upp á 75 högg, gerði út um sigurvonir hans. Louis lék á samtals -14 undir pari, 274 höggum (67 66 66 75) og sést að skorið á lokahringnum sker illilega í augun miðað við gengi daganna áður, þar sem er 8-9 högga munur milli hringja.  Það er grátlegt að 73 skor hefði komið honum í umspil og parhringur dugað til að vinna mótið. En því var ekki ætlað að verða að þessu sinni.

Í fjórða sæti urðu 4 kylfingar: Keegan Bradley, Phil Mickelson, Jeff Overton og Brian Davis, allir á -12 undir pari, hver.

Til þess að sjá úrslitin á Shell Houston Open smellið HÉR: