PGA: Hovland jafnaði met!

Norski kylfingurinn Viktor Hovland jafnaði met á PGA Tour í gær, sunnudaginn 15. september 2019, þegar hann lék 17. hringinn á mótaröðinni í röð á undir 70 höggum.

Sautjánda hringinn, lokahringinn á „A Military Tribute at the Greenbrier“ lék Hovland á frábærum 64 höggum.

Allir 17 hringirnir eru eftirfarandi:

1. hringur: Rocket Mortgage Classic: 64 högg

2.-5. hringur: 3M Open (69 66 69 65)

6.-9. hringur: John Deere Classic: (69 69 68 64)

10.-13. hringur: Wyndham Championship: (66 66 64 65)

14.-17. hringur: The Greenbrier:  (68 68 68 64).

Með lokahringnum á „The Greenbrier“ í gær jafnaði Hovland eldra met, sem Bob Estes átti.

Um árangur sinn sagði Hovlandi, sem er 21 árs og nýútskrifaður úr Oklahoma State m.a.: „Við höfum verið að spila velli sem hafa verið ansi viðráðanlegir. Það hefir ekki verið mikill vindir og flatirnar hafa verið mjúkar. Ég hef bara spilað ansi stöðugt, þannig að jamm, þetta hefir verið ansi svalt.“

Fyrir árangur sinn hlaut nýútskrifaði háskólaneminn (Hovland) $189,375 (24 milljónir íslenskra króna) og það sem er ekki minna virði 70 FedExCup stig, sem ef hann safnar þeim upp verður til þess að hann fær að spila í FedExCup umspilinu um 30 milljón dollara risapott í lok keppnistímabilsins á næsta ári.