PGA: Haas sigraði á Humana Challenge – Hápunktar 4. dags

Það var bandaríski kylfingurinn Bill Haas , sem stóð uppi sem sigurvegari á Humana Challenge, sem sett er upp í samvinnu við Bill Clinton stofnunina í La Quinta, Kaliforníu

Haas lék á samtals 22 undir pari, 266 högg (67 63 69 67)  átti 1 högg á hóp 5 kylfinga: Charley Hoffman, Brendan Steele, Sun Joon Park, Steve Wheatcroft og Matt Kuchar.

Haas kom sjálfum sér á óvart, sbr.: „Ef þið hefðuð sagt við mig í síðustu viku að ég myndi sigra myndi ég hafa hlegið að ykkur,“ en Haas fannst hann ekki vera í sínu besta formi þegar hann kom til keppni.

Hann æfði þó með föður sínum og golfkennara sínum Billy Harmon og þakkaði þeim sigurinn: „Að spila golf með einhverjum sem maður lítur upp til eins og pabba og Billy og það að vinna í leik sínum en líka það að bara skemmta sér fær mann til að hugsa á þessum nótum: „Ég ætla bara að skemmta mér  og spila gott golf.“ sagði Haas eftir sigurinn. Þetta er þó ekki alveg rétt hjá Haas því hann spilaði ekki bara gott golf hann spilaði frábært golf!

„Ég kom hingað (til Kaliforníu) og vann hörfðum höndum og gerði mitt besta til þess að vera skarpur, en að hefja vikuna og síðan sunnudaginn svona og framkvæma allt sem maður vildi á vellinum, er góð tilfinning,“  sagði Bill Haas loks.

Til þess að sjá lokastöðuna á Humana Challenge SMELLIÐ HÉR:

Til þess að sjá hápunkta 4. dags á Humana Challenge SMELLIÐ HÉR: