Ragnheiður Jónsdóttir | mars. 2. 2013 | 02:00

PGA: Guthrie í 1. sæti þegar Honda Classic er hálfnað – Hápunktar og högg 2. dags

Það er Bandaríkjamaðurinn Luke Guthrie sem er í efsta sæti þegar Honda Classic mótið er hálfnað.

Guthrie er samtals búinn að spila á 9 undir pari, 131 höggi (68 63).  Hann átti frábæran hring upp á 7 undir pari, 63 högg í dag á 2. degi mótsins, fékk 7 fugla og 11 pör.

Í 2. sæti er Bandaríkjamaðurinn Michael Thompson, en hann er búinn að spila á samtals 8 undir pari 132 höggum (67 65).

Tveir kylfingar deila 3. sætinu Kanadamaðurinn Graham DeLaet og Boo Weekly frá Bandaríkjunum, á 7 undir pari, 133 höggum; DeLaet (65 68) og Weekly (66 67).

Sex kylfingar deila síðan 5. sætinu en þeirra á meðal eru Lee Westwood, Justin Rose og Geoff Ogilvy allir á 6 undir pari, 134 höggum, 3 höggum á eftir forystumanninum Guthrie.

Sjö kylfingar deila síðan 11. sætinu þ.á.m bróðir Lexi Thompson, Nicholas; allir á 5 undir pari, 135 höggum.

Af áhugverðum kylfingum mætti nefna að Martin Kaymer er T-24 á samtals 3 undir pari; Peter Hanson og Charl Schwartzel eru í 12 kylfinga hóp sem deilir 31. sætinu á samtals 2 undir pari hver;  Ernie Els er meðal þeirra 22 kylfinga sem búnir eru að spila á samtals 1 undir pari og lestina reka Tiger Woods, Matteo Manassero og Nicolas Colsaerts, sem rétt náðu í gegnum niðurskurð og eru samtals á parinu.

Meðal þeirra sem ekki komust í gegnum niðurskurð er kylfingurinn kólombíski Camilo Villegas sem var í efsta sæti eftir 1. dag. Hann átti hræðilegan hring upp á 77 högg í dag eftir glæsihringinn í gær upp á 64 högg, sem sýnir bara það gamalkunna við golfið að hægt er að ná hæstu hæðum einn daginn og þann næsta er maður í lægstu lægðum. Það munaði 1 höggi að Villegas næði niðurskurði! Golf er golf!

Til þess að sjá stöðuna eftir 2. dag Honda Classic SMELLIÐ HÉR: 

Til þess að sjá hápunkta á 2. degi Honda Classic SMELLIÐ HÉR: 

Til þess að sjá högg dagsins á 2. degi Honda Classic, sem „sænski frændi okkar“ Jonas Blixt átti SMELLIÐ HÉR: