PGA: Ernie Els með bakmeiðsli í Miami

Ernie Els var að fara að spila 2. holu 1. hringjar í gær, en hann byrjaði á 10. braut Bláa Skrímslisins þar sem WGC Cadillac Championship fer fram um þessar mundir.

Þetta fór allt fremur illa því Els setti 2. höggið sitt í vatn og fór af flöt með skramba.

En síðan dramað við 11. teig. Ernie lagðist flatur á grasflöt við brautina greinilega kvaldur, en hann á við bakmeiðsli að glíma.

Ástralskur þjálfari hans, Vern McMillan kom hlaupandi úr klúbbhúsinu til þess að vera með Ernie og eins kom á staðinn Andy Dawson framkvæmdastjóri Ernie.

McMillan lagði hvítt handklæði á jörðina og Els datt aftur fyrir sig að því er virtist í miklum sársauka. Svo virtist sem hann væri með einskonar krampa.

Honum var síðan hjálpað á fætur aftur af McMillan og öllum til undrunar tíaði hann upp og hélt áfram leik, fékk fugl og kláraði síðan hringinn á 73 höggum!!! … sem er afrek hafi hann verið jafnkvaldur og virtist!!! Ja, svona er þetta, sumir harka af sér….