PGA: English sigraði á Sentry TOC 2021

Fyrsta mót ársins á PGA Tour, Sentry Tournament of Champions (skammst. TOC) lauk nú  í nótt.

Mótið fór að venju fram á Plantation vellinum, á Kapalua, Hawaii, dagana 7.-10. janúar 2021.

Tveir voru efstir og jafnir eftir 72 holur þeir Joaquin Niemann frá Chile og bandaríski kylfingurinn Harris English, en báðir léku þeir á 25 undir pari, 269 höggum.

Lokahringur Niemann var sérlega glæsilegur en hann lék Plantation á 9 undir pari, 64 höggum – skilaði „hreinu“ skorkorti með 9 fuglum og 9 pörum!!! Glæsilegt

Bráðabana þurfti til að skera úr um úrslitin og var par-5 18. hola Kapalua spiluð aftur. Þar hafði Harris Englis betur – vann með fugli og er því sigurvegari á fyrsta móti ársins á PGA Tour.

Þetta var 3. PGA Tour title English.

Það var Justin Thomas, sem átti titil að verja, en hann hafnaði í 3. sæti að þessu sinni, á samtals 24 pari og vill örugglega gleyma þessu móti sem fyrst þar sem hann viðhafði óviðunandi ummæli um homma á 3. hring mótsins, sem hann baðst síðan afsökunar á.

Ryan Palmer varð síðan í 4. sæti á samtals 23 undir pari.

Sjá má lokastöðuna á Sentry TOC með því að SMELLA HÉR: