Ragnheiður Jónsdóttir | janúar. 6. 2018 | 23:59

PGA: DJ efstur f. lokahring Sentry TOC

Nr. 1 á heimslistanum, Dustin Johnson (skammst. DJ) er efstur fyrir lokahringinn á 1. móti ársins á PGA Tour, Sentry Tournament of Champions (skammst. TOC).

DJ setti niður 65 yarda wedge-högg, niður í móti, fyrir erni og fékk fugla á par-5 unum á Kapalua og lék þannig 3. hring á 7 undir pari, 66 höggum og er nú kominn með 2 högga forystu yfir Brian Harman, sem er í 2. sæti.

Í 3. sæti er Jon Rahm á samtals 12 undir pari.

Samtals er DJ búinn að spila á 16 undir pari, 203 höggum (69 68 66) – allt glæsihringir undir 70.

DJ sigraði síðast í sama móti 2013 og í þeim 30 hringjum sem hann hefir spilað á Plantation vellinum á Hawaíí  hafa 20 verið á 60 og eitthvað.

Leiðinlegt að vera að rifja það upp en það er smá von fyrir þá sem eru að reyna að ná DJ því aðeins fyrir 2 mánuðum missti hann niður 6 högga forystu í Shanghaí á  World Golf Championship-HSBC Champions á Sheshan International.

Aðspurður sagðist DJ ekkert muna eftir þessu „Sjáið til þetta var fyrir löngu síðan. Þetta var algjörlega öðruvísi golfvöllur. Það eru hvað? Tveir mánuðir síðan eða eitthvað.Þannig að já ég ætla ekkert að vera að hugsa um það þegar ég spila lokahringinn á morgun.“

Stundum gott fyrir kylfinga að vera með lélegt skammtímaminni og geta blokkerað út neikvæða þætti í eiginn leik eða hluti sem hafa misfarist – Bráðnauðsynlegt og það má læra af þessu!!!

Til þess að sjá stöðuna á Sentry TOC SMELLIÐ HÉR: