PGA: Chris Kirk sigraði e. bráðabana á Honda Classic

Það var Chris Kirk, sem stóð uppi sem sigurvegari á The Honda Classic móti sl. viku á PGA Tour.

Mótið fór fram í Palm Beach Gardens, Flórída, dagana 23.-26. febrúar 2023.

Eftir hefðbundinn 72 holu höggleik voru þeir Chris Kirk og Eric Cole efstir og jafnir; báðir búnir að spila á samtals 14 undir pari.

Það varð því að koma til bráðabana og var par-5 18. braut The Champion vallar á PGA National vellinum spiluð aftur og þar sigraði Kirk með fugli.  Í 3. sæti varð Tyler Duncan á samtals 12 undir pari – 2 höggum á eftir Cole og Kirk.

Chris(topher) Brandon Kirk er fæddur 8. maí 1985 og því 37 ára. Hann gerðist atvinnumaður 2007 og hefir á ferli sínum hingað til sigrað í 8 mótum, þ.e. sigurinn nú er 5. PGA Tour sigurinn og eins hefir Kirk sigrað í 3 mótum á Korn Ferry mótaröðinni. Sjá má eldri kynningu Golf 1 á Chris Kirk með því að  SMELLA HÉR: 

Sjá má lokastöðuna á The Honda Classic með því að SMELLA HÉR: