PGA Championship 2022: Justin Thomas sigraði!!!

Þrælskemmtilegu risamóti lauk í gær á Southern Hills golfvellinum í Oklahoma, með sigri hins 29 ára Justin Thomas (skammst: JT).

Það sem vakti nokkra athygli var að fjórir ungir, upprennandi kylfingar, sem aldrei höfðu sigrað á PGA Tour voru í forystu mestallt mótið og spiluðu ótrúlega fallegt golf, oft á tíðum.

Þetta voru þeir: Mito Pereira frá Chile (27 ára), Will Zalatoris frá Texas (25 ára), Cameron Young frá New York (25 ára) og Matthew Fitzpatrick frá Sheffield, Englandi (27 ára).

Pereira var í forystu allt þar til á síðustu holu, þar sem hann fékk tvöfaldan skolla, sem gerði út af við sigurvonir hans.

Hann var eftir skrambann á samtals 4 undir pari og varð að sætta sig við að vera jafn í 3. sæti ásamt Cameron Young.

Will Zalatoris og JT voru báðir á 5 undir pari, hvor og þurfti því bráðabana, til að knýja fram úrslit.

Þar hafði hinn reynslumeiri JT betur á 3. holu bráðabanans og innsiglaði með því Wannamaker bikararinn og 2. risatitil sinn.

Áður sigraði hann á PGA Championship fyrir 5 árum síðan, 2017.

Fyrir sigur sinn í mótinu nú hlaut JT 2,7 milljónir bandaríkjadala (eða um 364,5 milljónir íslenskra króna).

Sjá má lokastöðuna á PGA Championship 2022 með því að SMELLA HÉR: