Ragnheiður Jónsdóttir | apríl. 24. 2022 | 23:00

PGA: Cantlay&Schauffele sigruðu á Zurich Classic

Það gerðist ekkert óvænt á Zurich Classic, móti vikunnar á PGA Tour.

Það voru bandarísku kylfingarnir Patrick Cantlay og Xander Schauffele, sem stóðu uppi sem sigurvegarar; enda búnir að vera í forystu mestallt mótið.

Cantlay og Schauffele spiluðu á samtals 29 undir pari, 229 höggum (59 68 60 72).

Áttu þeir tveir 2 högg á þá Billy Horschel og Sam Burns, sem luku keppni á samtals 27 undir pari og urðu í 2. sæti.

Þeir sem áttu titil að verja, Ástralarnir Cam Smith og  Marc Leishman urðu T-21 að þessu sinni.

Keppnisfyrirkomulag á Zurich Classic er óhefðbundið þar sem spilaður er fjórbolti og fjórmenningur til skiptis kepppnisdagana fjóra.

Sjá má lokastöðuna á Zurich Classic 2022 með því að SMELLA HÉR: