PGA: Brian Gay sigraði í 3 manna bráðabana á Humana Challenge – hápunktar og högg 4. dags

Það var Brian Gay, sem vann upp 6 högga forystu, sem Scott Stallings átti á hann fyrir lokahringinn og komst í 3 manna bráðabana á Humana Challenge í gærkvöldi.

Allt var jafnt hjá þeim Brian Gay, Charles Howell III og Svíanum David Lingmerth eftir 72 spilaðar holur.  Allir voru þeir búnir að spila á samtals 25 höggum undir pari, 263 höggum.  Lingmerth átti ásamt Jamie Hahn (sem varð T-4) og Kevin Chappell lægsta skor 4. hrings á Humana Challenge 62 högg.

Gay vann Lingmerth á 1. holu umspils og Howell III á 2. holu en 18. holan (par-5) var fyrsta hola umspils og fengu bæði Gay og Howell III fugla en Lingmerth skolla og því var Svíinn úr leik. Einvígið milli Gay og Howell III fór síðan fram á 10. holu (par-4) og aftur fékk Gay fugl en Howell III skolla.  Sigurinn var því Brian Gay´s!!!

Joseph Brian Gay er fæddur 14. desember 1971 í Fort Worth, Texas og er því nýorðinn 41 árs. Hann gerðist atvinnumaður 1994 og hefir á ferli sínum sem atvinnumaður í golfi sigrað 9 sinnum, þar af 4 sinnum á PGA mótaröðinni. Sigurinn í gær var 4. sigur hans – en 4 ár eru síðan að hann vann síðast á PGA mótaröðinni en það var 14. júní 2009 á St. Jude Classic. (Árið 2009 var Gay sérlega gott en á því vann hann 2 af 4 sigrum sínum á PGA).

Jamie Hahn og Scott Stallings deildu 4. sætinu á samtals 24 undir pari, hvor og Nicholas Thompson (bróðir Lexi) og Ryan Palmer deildu 6. sætinu á samtals 23 undir pari, hvor og Jason Kokrak (sem leiddi 1. dag Humana Challenge) og Kevin Chappell deildu 8. sæti á samtals 22 undir pari, hvor.  Richard E. Lee, sem átti fallegan ás á 15. braut PGA West vallarins, þar sem Humana Challenge fór fram varð síðan í 10. sæti ásamt 5 öðrum kylfingum á 21 undir pari samtals, hver.

Munurinn var því naumur milli efstu manna og aðeins 4 högg sem skilja að þann sem varð í 1. og þann sem varð í 15. sæti!!!

Til þess að sjá úrslitin á Humana Challenge SMELLIÐ HÉR:

Til þess að sjá hápunkta 4. dags á Humana Challenge SMELLIÐ HÉR:

Til þess að sjá högg 4. dags á Humana Challenge SMELLIÐ HÉR: