Ragnheiður Jónsdóttir | janúar. 2. 2018 | 20:00

PGA: 9 kylfingar sem þarfnast sárlega sigurs á PGA Tour 2018 (2/3)

Á undanförnum árum höfum við séð leikmenn á PGA Tour, sem hafa risið hratt upp á stjörnuhiminn með sigri og síðan hefir ekkert spurst til þeirra. Eða þeir hafa stöðugt verið nálægt því að sigra en aldrei almennilega tekist að næla í sigurinn.   Það sem sagt er um þá er að þeir þarfnist sigurs sárlega eða „að tími væri kominn á sigur þeirra.“

Kylfingar eins og Kevin Chappell, Pat Perez, Kyle Stanley og Kevin Kisner koma upp í hugann. Þeir eiga það sameiginlegt að sagt var um þá að tími væri kominn á þá (að sigra).

Hér á eftir verður getið fyrstu 3 kylfinga af 9 sem tími er kominn á (umfjöllun um hina 6 birtist í 2 öðrum greinum hér að Golf 1).

Taka verður þó fram um lista þessara 9 kylfinga:

*Enginn sem hefir unnið utan Bandaríkjanna er á listanum. Þó Tommy Fleetwood, Alex Noren, og Tyrell Hatton vanti sárlega sigur á PGA Tour þá sigruðu þeir utan Bandaríkjanna 2016-’17.
• Sigurvegarar 10 eða fleiri móta á PGA Tour geta varla talist sárlega vanta það að sigra. Þannig að þó Jason Day og  Rory McIlroy hafi gengið eyðimerkurgöngu sigurlega séð þá eru góðar líkur á að þeir jafni sig og snúi aftur á sigurpall fyrr eða síðar.
• Engir nýliðar eru í upptalningu þessara 9. Það er aðeins tímaspursmál hvenær „nýju strákarnir á PGA“ slá í gegn; menn eins og t.d. Keith Mitchell eða Peter Uihlein. Titleist erfinginn Uihlein sigraði líka á Web.com Tour í september sl.

En hér verður fjallað um næstu 3 af 9 (þ.e. nr. 4-6), sem telja verður að tími sé kominn á að sigri á PGA Tour og er að breyting verði á hjá 2018 (fyrstu 3 hafa þegar verið kynntir

4 Francesco Molinari

Líkt og Casey (sem talinn var upp fyrstur hinna 9 kylfinga) hefir Molinari haft það ágætt á  PGA Tour frá árinu 2015 og hefir þénað meira en $5 milljónir á 3 síðustu keppnistímabilum.  En hann á enn eftir að sigra á PGA Tour, ekki að hann hafi ekki haft næg tækifæri til þess 2017; hann varð  T-7 (þ.e. jafn öðrum í 7. sæti) eða betra 5 sinnum, þ.á.m. varð hann í 2. sæti á PGA Championship risamótinu. Ef Molinari myndi aðeins bæta sig á flötunum gæti það leitt til fyrsta PGA Tour sigurs hans 2018.

5 Patrick Rodgers

Óstöðugur í púttum er mildilega til orða tekið þegar kemur að 2016-’17  keppnistímabili Rodgers, en á því tímabili komst hann aðeins 11 sinnum í gegnum niðurskurð af 27 mótum sem hann spilaði í, en hann kom sér þó í sigurstöðu á Farmers Insurance Open (T-4) og the John Deere Classic (2. sæti). Hann hefir einnig verið nálægt sigri sl. tvö keppnistímabil, hann varð  T-2 á Wells Fargo mótinu 2015, í 3. sæti á Barracuda Championship sama ár (2015) og  T-3 á Travelers Championship 2016. Rodgers sem þótti gríðarlegt efni með Stanford í bandaríska háskólagolfinu er talinn búa yfir of miklum hæfileikum til þess að sigra ekki a.m.k.  1 sinni á PGA Tour 2018; sérstaklega þegar tekið er tillit til að honum tókst að sigra 11 sinnum í háskólagolfinu og jafnaði þar með met Tiger Woods.

6 Charles Howell III

Enginn skilur hversu erfitt er að sigra á PGA Tour betur en Howell III, sem hefir þénað meira en $30 milljónir á ferli sínum en aðeins sigrað 2 sinnum; síðasti sigur hans vannst 2007 eða fyrir 11 árum. Hver myndi samt ekki vilja vera í stöðu Howell fjárhagslega séð? Hann hefir 6 sinnum orðið í 2. sæti og óteljandi skipti verið meðal efstu.  Kannski 2018 sé ár Howell?