PGA: Graeme McDowell sigraði á World Challenge – hápunktar og högg 4. dags

Hinn nýtrúlofaði, norður-írski kylfingur, Graeme McDowell sigraði í Thousands Oaks á móti Tiger, World Challenge seint í gær.

McDowell spilaði á samtals 17 undir pari,  271 höggi (69 66 68 68).  „Það er orðið allt of langt síðan,“ sagði GMac að sigri loknum. „Þetta hefir verið helvíti af tveimur árum frá því ég sat hér síðast sem sigurvegari. Við viljum allir segja að þetta snúist allt um ferlið og það að fara í gegnum allskyns þrautir til þess að verða betri. En í allri hreinskilni þá er mælistikan á getu okkar sigrarnir. Ég get sagt það nú.“

Sjá má viðtal við Graeme McDowell með því að SMELLA HÉR: 

Í verðlaunafé hlýtur GMac $ 1,2 milljónir  (um 150 milljónir íslenskra króna) og ætti því ekki að verða skotaskuld að gefa Kristin Stipes, heitkonu sinni, eitthvað fallegt í jólagjöf.

Í 2. sæti 3 höggum á eftir varð einn harðasti fylgismaður löngu pútterana, Keegan Bradley á 14 undir pari, 274 höggum (69 69 67 69).

Í 3. sæti varð Bo van Pelt með lokahring upp á 2 undir pari, 70 höggum og samtals 10 undir pari.

Fjórða sætinu deildu gestgjafinn Tiger Woods (1 undir pari, 71 högg), Jim Furyk (2 undir pari, 70 högg) og Rickie Fowler (3 undir pari, 69 högg); allir á samtals 9 undir pari, 279 höggum.

Til þess að sjá úrslitin á World Challenge 2012 SMELLIÐ HÉR:

Til þess að sjá hápunkta 4. dags á World Challenge 2012 SMELLIÐ HÉR:

Til þess að sjá glæsihögg 4. dags sem Rickie Fowler átti á World Challenge 2012 SMELLIÐ HÉR: