Peter Dawson framkvæmdastjóri R&A styður val Romero á Tevez sem kylfusvein

Það er hlutverk Royal&Ancient (R&A) að standa vörð um arfleifð golfíþróttarinnar og hefðir. Því var búist við að mörgum myndi mislíka það að knattspyrnumaðurinn Carlos Tevez væri kaddý hjá Andres Romero, en Argentínumaðurinn komst í gegnum niðurskurð  á Opna breska. Og margir urðu til þess að gagnrýna kaddýhæfileika Tevez og fannst hann ekkert erindi eiga á eitt helsta mót í golfheiminum, s.s. t.d.  Jim McArthur, formaður stjórnar R&A.

Eitt er víst að Andres Romero hefir aldrei fengið viðlíka athygli og með Carlos Tevez á pokanum.

Einn er hins vegar sá sem varið hefir val Romero á framherja Manchester City, Carlos Tevez , en það er framkvæmdastjóri R&A, Peter Dawson.  Hann horfir þar e.t.v. til  þess mikla fjölda fólks sem fylgdi þeim Romero og Tevez um Royal Lytham & St. Annes. Hann hafði m.a. eftirfarandi um málið að segja:

„Það er ekki mitt að segja fyrir um val leikmanna á kylfuberum sínum svo fremi sem þeir hegða sér í samræmi við hefðir mótsins og fara að reglum.  Það gæti vel hafa verið að Tevez hefði verið reyndur kaddý. Ég hafði engar upplýsingar um bakgrunn hans. En hvort sem það er leikmanninum að kenna eða kylfuberanum sjálfum að skor hans var svo hátt (Romero varð neðstur af þeim sem komust í gegnum niðurskurðinn), get ég ekki tjáð mig um,“ grínaðist Dawson.

„Þetta var mjög áhugavert, vegna hins mikla áhorfendafjölda sem fylgdi hópnum. Það eru e.t.v. fleiri en ég hélt sem hafa bæði áhuga á golfi og knattspyrnu.  Það er kannski bara alls ekki svo slæmt!“

Til þess að lesa nánar um stuðninginn við Tevez,  sem kom e.t.v. úr óvæntri átt frá Peter Dawson, SMELLIÐ HÉR: