Patrick Cantlay gerist atvinnumaður

Patrick Cantlay, sem er nr. 1 á heimslista áhugakylfinga tilkynnti í gær að hann hyggðist gerast atvinnumaður og spila á Travelers Championship sem slíkur, en mótið hefst nú á fimmtudaginn í Cromwell, Conneticut.

Cantlay skrifaði undir samning við Mark Steinberg hjá Excel Sports Management, umboðsmann Tiger og Cheyenne Woods. Hann mun spila á fyrsta móti sínu sem atvinnumaður á samta velli og hann var á 60 höggum á 2. hring Travelers Championship á síðasta ári, en það er lægsta skor áhugamanns  á PGA Tour móti.

„Mér finnst að það sé kominn tími á að ég spili sem atvinnumaður,” sagði Cantlay á blaðamannafundi fyrir Traveler´s Championship „Ég tel að þetta sé það besta fyrir golfleik minn og það er bara það sem …. þegar ég talaði um það við foreldra mína og sveifluþjálfara minn Jamie Mulligan þá töldum við að þetta væri það besta fyrir mig og golfleik minn í augnablikinu.”

Patrick Cantlay er 20 ára og tvöfaldur All-American í bandaríska háskólagolfinu, en hann hefir spilað með liði UCLA. Hann varð í 41. sæti á US Open um s.l. helgi. Fyrr á árinu vann hann silfurbikarinn sem sá áhugamaður sem var með lægsta skorið á the Masters, en þar varð hann í 47. sæti. Eins var hann sá áhugamaður með besta skorið á US Open 2011, en þá varð hann í 21. sæti. Cantlay varð jafnframt í 2. sæti á US Amateur á s.l. sumri.

Heimild: ESPN LA