Opna breska 2016: Spieth, Fowler & co. búa saman í húsi og bonda

Jordan Spieth, Rickie Fowler og 4 aðrir bandarískir kylfingar deila húsi í Troon í Skotlandi, en þar taka þeir allir þátt í 3. risamóti ársins, Opna breska.

Þetta gæti verið tilefni áhyggna hjá Darren Clarke, fyrirliða liðs Evrópu í Ryder bikarnum, sem fram fer í Bandaríkjunum í haust.

Það sem talið er að háð hafi bandaríska liðinu er einmitt skortur á liðsanda og liðsheild.

Það er sko verið að vinna í því.

Jordan Spieth, Rickie Fowler, Justin Thomas, Jimmy Walker, Zach Johnson og Jason Dufner  eru þeir kylfingar sem deila húsinu.

Þar hefir sést til þeirra þar sem þeir eru að leika sér í bandarískum fótbolta, auk þess sem þeir snæða mexíkanskt saman – þ.e. taco´s, milli þess sem þeir eru á æfingasvæðinu og reyna að vera eins ofarlega og þeir geta á elsta risamóti golfsins, Opna breska.

Ferlegt er Kaninn nær að „bonda“ fyrir Ryderinn!!! Spurning samt hvort allir ofangreindir verði í liði Bandaríkjunna?