Ólympíuleikarnir 2020: Nelly Korda gullverðlaunahafi!!!

Nú rétt í þessu var að ljúka golfkeppni kvenna á Ólympíuleikunum 2020 í Tokýó.

Sigurvegari og gullverðlaunahafi er Nelly Korda frá Bandaríkjunum.

Hún hélt haus á hring, sem var eins og rússíbanareið fyrir hana – þar sem hún sá m.a. 3 högga forystu sem hún hafði fyrir lokahringinn fuðra upp.

En hún hafði stáltaugar, hélt út og sigraði á samtals 17 undir pari, 267 höggum (67 62 69 69).

Í öðru sæti voru jafnar heimakonan Mone Inami og Lydia Ko ; báðar á 16 undir pari og urðu þær því að fara í bráðabana til þess að knýja fram úrslit.

Par-4 18. holan var spiluð á ný og þar hafði Inami betur; vann á pari, meðan Ko varð að láta sér bronsið lynda með skolla.

Í 4. sæti varð síðan Aditi Ashok frá Indlandi á 15 undir pari og T5 voru þær Emily Pedersen frá Danmörku og hin ástralska Hannah Green, á samtals 13 undir pari, hvor.

Sjá má lokastöðuna í golfkeppni kvenna á Ólympíuleikunum í Tokýó 2020 með því að SMELLA HÉR: