Ólafur Björn Loftsson on one of his favorite golfcourses in Iceland – the Vestmanna Islands golfcourse. Photo: gsimyndir.net
Ragnheiður Jónsdóttir | janúar. 23. 2014 | 22:00

Ólafur Björn með örn og á fínu skori á 3. degi í Flórída

Loksins sýndi Ólafur Björn Loftsson, NK sitt rétta andlit í dag á 3. hring úrtökumótsins fyrir Latino América NEC Series.

Hann átti fínan hring á Deere Run golfvelli  Sun N´ Lake Golf Club í Sebring, Flórída.

Ólafur Björn spilaði á 2 undir pari, 70 höggum; fékk glæsiörn (á 10. holu), 2 fugla og 2 skolla og spilaði loks par-5 14. holuna á pari, en undanfarna daga hefir sú hola reynst honum dýrkeypt og hann fengið skramba á hana, báða fyrstu keppnisdagana.

Samtals er Ólafur Björn búinn að spila á 10 yfir pari, 226 höggum (76 80 70) og eins og sést er 10 högga sveifla milli 2. og 3. dags hjá Ólafi Birni. Hann færist ofar á skortöflunni; er sem stendur í 88. sæti, sem hann deilir með 6 öðrum, sem er upp skortöfuna um 22 sæti frá því í gær!!! Þetta gæti þó enn breyst því ekki allir hafa lokið keppni.  En ljóst er að dagurinn í dag var Ólafi Birni góður!!!

Ólafur gerði eins og hann sagðist ætla að gera: hann lagði ekki árar í bát – barðist og sýndi karakter!

Til þess að sjá stöðuna eftir 3. dag úrtökumótsins í Sebring SMELLIÐ HÉR: