Ólafía Þórunn lék á 2 undir pari á 2. degi á heimsmeistaramóti áhugamanna í Tyrklandi

Ólafía Þórunn Kristinsdóttir,  GR, lék best allra á  í íslenska landsliðinu á Gloria golfvellinum í Antalya í Tyrklandi í dag.  Hún kom í hús á 2 undir pari, 70 höggum. Ólafía Þórunn fékk 3 fugla og 1 skolla á hringnum og er í 56. sæti í einstaklingskeppninni. Samtals er Ólafía Þórunn búin að spila á 149 höggum (79 70).

Valdís Þóra Jónsdóttir, GL, var á 4 yfir pari, 76 höggum. Valdís fékk 4 fugla og 6 skolla og 1 skramba. Samtals er Valdís Þóra búin að spila á 153 höggum (77 76) í mótinu Hún er sem stendur í 84. sætinu í einstaklingskeppninni.

Guðrún Brá Björgvinsdóttir GK, er samtals búin að spila á 159 höggum (79 80) og er í 125. sætinu.

Tvö bestu skor á hverjum hring telja. Íslenska landsliðið er í 36. sæti af 53 þátttökuþjóðum.

Golf 1 óskar þeim Guðrúnu Brá, Ólafíu Þórunni og Valdísi Þóru góðs gengis á morgun!

Til þess að sjá stöðuna á heimsmeistaramóti áhugamanna í Tyrklandi  SMELLIÐ HÉR: