Styrkið Ólafíu Þórunni með kaupum á DREAM!!!

Ólafía Þórunn Kristinsdóttir, atvinnukylfingur úr GR, var til umfjöllunar í íþróttaþættinum í kvöldfréttum Stöðvar 2 um síðustu helgi. Hjörtur Hjartarson íþróttafréttamaður ræddi þar við Ólafíu sem nýverið tryggði sér keppnisrétt á mótaröð þeirra bestu í Evrópu.

Innslagið er áhugavert og má sjá í heild sinni með því að SMELLA HÉR: 

Þar kom m.a. fram að Ólafía Þórunn hefur hannað mynd sem hún notar sjálf til þess að halda sér við efnið í sínu fagi.

Ólafía Þórunn segir sjálf að myndin eigi að veita innblástur og hvatningu til árangurs og jákvæðara lífs.

Margir hafa keypt myndina af Ólafíu Þórunni til þess að styðja við bakið á henni fjárhagslega í atvinnumennskunni. Mikill kostnaður fylgir því að taka þátt í LET Evrópumótaröðinni. Þeir sem hafa áhuga á að kynna sér það nánar geta farið inn á fésbókarsíðu Ólafíu Þórunnar. Komast má á fésbókarsíðu hennar með því að SMELLA HÉR: 

Einnig er hægt að fara inn á vefsíðu Bubo design með því að SMELLA HÉR:  Þar eru allar upplýsingar um myndina og hvernig hægt er að styðja við bakið á Ólafíu Þórunni.