LPGA: Ólafía Þórunn í sannkölluðum stjörnuráshóp – hefur leik e. 2 tíma

Ólafía Þórunn Kristinsdóttir, atvinnukylfingur úr GR, verður í sannkölluðum „stjörnuráshóp” fyrstu tvo keppnisdagana á Pure Silk-Bahamas LPGA Classic mótinu. GR-ingurinn verður með stórvinkonu sinni, Cheyenne Woods og Natalie Gulbis, í ráshóp.

Þær hefja leik kl. 8.22 að staðartíma á 1. teig á fimmtudaginn eða kl. 13.22 að íslenskum tíma.

Nánar hér:

Cheyenne Woods og Ólafía voru liðsfélagar í bandaríska háskólaliðinu Wake Forest. Woods er eins og nafnið gefur til kynna frænka hins eina sanna Tiger Woods. Earl Dennison Woods Jr. er faðir Cheyenne en hann og Tiger Woods áttu sama föður, Earl Woods.

Natalie Gulbis er bandarísk eins og Cheyenne Woods. Gulbis er 34 ára gömul og hefur sigrað á einu móti á LPGA mótaröðinni árið 2007 á Evian meistaramótinu sem var á þeim tíma ekki eitt af risamótunum fimm á LPGA. Gulbis hefur þrívegis verið í Solheimliðinu hjá Bandríkjunum, 2005, 2007 og 2009.

Heimild: GSÍ