OGA: Ólafur Björn sigraði á Ridgewood Lakes mótinu – með 11 einpútt

Atvinnumaðurinn Ólafur Björn Loftsson, sigraði í  1 hrings móti sem fram fór á Ridgewood Lakes, í Orlando, Flórída, í gær 20. mars 2014,  þar sem keppendur voru 10.

Ólafur Björn lék á 5 undir pari,  67 höggum.

Á facebook síðu sinni ritaði Ólafur Björn:

„Fyrsti sigurinn á þessu ári kominn í hús. Lék á 67 (-5) höggum í móti á OGA mótaröðinni á Ridgewood Lakes í Orlando og vann með 5 högga mun. Ég datt í gírinn um miðbik hringsins og fékk 6 fugla á 8 holum. Það vantaði svolítið upp á sveifluna í gær en stutta spilið var alveg magnað. Ég náði að vippa og einpútta í öllum mínum 7 tilraunum og bætti væntanlega persónulegt met þegar ég einpúttaði 11 sinnum í röð á hringnum. 

Ég held á fullu áfram að stilla strengina í sveiflunni. Ég vil fá að sjá betri frammistöðu úti á vellinum.“

Sjá má úrslitin í Ridgewood Lakes mótinu með því að  SMELLA HÉR: