NÝTT: Hættulegustu golfvellir heims (1. grein af 10)

Á Camp Bonifas í  Panmunjom, í Suður-Kóreu er einnar holu par-3 „golfvöllur“, sem er á þeim landamærum heims þar sem vígbúnaður á báðar hliðar er hvað mestur.

Hermaður í golfi í Camp Bonifas í Kóreu

Í Camp Bonifas eru höfuðstöðvar Sameinuðu Þjóðanna, 400 metra suður af vopnlausu svæði, DMZ (skammst. fyrir Demilitarized Zone), sem myndar eins konar stuðpúða milli Norður- og Suður-Kóreu.

Við þessa 192 yarda (175 metra) holu (af öftustu teigum)  er 18 feta öryggisgirðing og jarðsprengjur sem geta sprungið fari eitthvert höggið af leið. Reyndar er varað við þessari hættu á golfvellinum, en á skilti við golfvöllinn stendur: „“Danger. Do not retrieve balls from the rough. Live mine fields.“  (sem útleggst eitthvað á þessa leið á okkar ylhýra: „Hætta. Náið ekki í bolta í karganum. Sprengjusvæði.“

Kylfingar segjast líka hafa séð villidýr á vellinum, þ.á.m. „vampíru dádýr“ og verur sem hefir verið lýst sem „mann-bjarnar-svínum“ hvað s.s. það þýðir.

Þegar aðeins er hægt að spila 1 holu þá er a.m.k. gaman að vita að eitthvað ævintýralegt gæti gerst í hvert sinn sem holan er spiluð!