NÝTT!: Golf1 flytur fréttir af mótum ALPG – Karen Lunn sigraði á ActewAGL Royal Canberra Ladies

Kvennagolfið hefir ekki skipað stóran sess hjá fréttamiðlum hér á landi; hvorki golffréttamiðlum né öðrum. Það virðist aðeins í gúrkutíð eða þegar kvenkylfingar virkilega vinna stórafrek, líkt og afmæliskylfingur dagsins, Yani Tseng  (sem búin að vinna 5 risamót 22 ára) að konunum er sýndur einhver áhugi.

Ætlunin hér  á Golf 1 er að vera með vandaðan fréttaflutning af áströlsku kvennmótaröðinni ALPG (Australian Ladies Professional Golf) – fyrst allra miðla.  Kynntar verða til sögunnar kvenkylfingar ALPG og fylgst með mótaröð þeirra, sem þegar er hafin og lauk 3. mótinu í ár ActewAGL Royal Canberra Ladies, einmitt í gær með sigri ástralska kylfingsins Karen Lunn, sem verður 46 ára í næsta mánuði.

Karen Lunn með sigurbikarinn í Canberra í gær.

Í mótinu tók m.a. þátt ein af stórstjörnum kvennagolfsins, enski kylfingurinn Laura Davies, sem því miður lenti neðarlega í þessu sterka móti eða 30. sætinu af  61 þátttakanda.  Af öðrum fremur þekktum kvenkylfingum sem þátt tóku er bandarísk-tékkneska stúlkan Jessica Korda,(dóttir tennisstjörnunnar frægu Petr Korda), sem var meðal 10 efstu þ.e. í 9. sætinu.

Til þess að sjá úrslit í ActewAGL Royal Canberra Ladies, smellið HÉR:

PS: Karlmenn, sem eru meirihluti lesenda Golf 1 þurfa ekki að örvænta, Golf 1 verður enginn kvennagolfvefur – áfram verður ítarlega fylgst með PGA, Evróputúrnum og Sólskins- og Asíutúrnum – og strákunum sem  þar spila. Hér er aðeins um að ræða viðbót, sem ætti að vera öllum kylfingum fagnaðarefni.