NÝTT!!! Nýju stúlkurnar á LPGA 2017

Líkt og gert hefir verið undanfarin ár, eða frá því vefurinn hefir verið starfandi, hefur Golf 1 í dag, kynningu á þeim 45 stúlkum sem hlutu keppnisrétt á LPGA, sterkustu kvenmótaröð heims keppnistímabilið 2016-2017.

Líkt og alltaf á lokaúrtökumótum LPGA voru spilaðir 5 hringir og fór lokaúrtökumótið fram á LPGA International á Daytona Beach, í Volúsía sýslu norðaustur af Orlandó í Flórída.

Alls hófu 155 stúlkur keppni að þessu sinni og var skorið niður eftir 4 keppnisdag og keppendum þar með fækkað í 70 sem kepptu um sætin 20 eftirsóttu.

Meðal þeirra sem ekki náðu niðurskurði eru margir þekktir kylfingar, sem ýmist hafa áður keppt á LPGA eða eru á Evrópumótaröð kvenna.

Dæmi þeirra sem ekki náðu að þessu sinni eru m.a. hin sænska Camilla Lennarth frá Svíþjóð (Sjá eldri kynningu Golf 1 á henni með því að SMELLA HÉR: en hún spilar á LET eða Stephanie Kono, frá Bandaríkjunum, sem áður hefir spilað á LPGA  (Sjá eldri kynningu Golf 1 á henni með því að SMELLA HÉR).  Þær tvær voru í hópi 9 stúlkna sem vantaði aðeins 1 högg til þess að vera í hópi þeirra 70 sem kepptu um að fá  ýmist fullan keppnisrétt (og urðu að vera í 1.-20. sæti) eða takmarkaðan keppnisrétt; (úthlutað til þeirra sem lentu  í 21.-45. sæti og þeirra sem jafnar eru í 45. sætinu.)

Golf 1 hefir eins og segir alltaf kynnt stúlkurnar sem hlotið hafa keppnisrétt (takmarkaðan/fullan) og þar sem Ólafía Þórunn Kristinsdóttir, atvinnukylfingur úr GR, varð fyrst íslenskra kvenna til þess að hljóta fullan keppnisrétt á LPGA mótaröðinni, þar sem hún hafnaði í 2. sæti, verður byrjað að kynna hana.

Þeir sem þekkja kynningar Golf 1 vita hins vegar að Golf 1 hefir alltaf byrjað á þeim sem rétt sluppu inn og í ár voru það 11 stúlkur sem urðu T-44 eða í 44. sæti eða betra og endað á þeirri sem sigraði keppnina.

Í ár verður byrjað á þeirri sem varð í 2. sæti og síðan hafður sami háttur á og undanfarin ár – byrjað að kynna  þær sem urðu T-44 og síðan tekið við að fikrast upp