Nýr „fljótandi” golfvöllur á Maldíveyjum – komist milli teiga um neðansjávarglergöng
Maldíveyjar eru klasi baugeyja í Indlandshafi, suð-suðvestur af Indlandsskaga. Baugarnir eða hringrifin eru 26 talsins með 1.196 kóraleyjum. Mannfjöldinn á eyjunum er svipaður og hér á Íslandi um 300.000 og opinbert tungumál er divehí. Maldíveyjar komust í fréttir fyrir nokkru vegna þess að þær eru í mikilli hættu að sökkva í sæ. Eyjarnar eru vinsæll áfangastaður brúðkaupsferðamanna, enda hvítar draumastrendur, með djúpbláu hafi og fallegum pálmatrjám, sem mæta hjónunum nýbökuðu, sem öðrum ferðamönnum. Nokkuð sem manni dreymir um á norðlægari slóðum þegar kólnar í veðri og golfvellir loka hverjir af öðrum.
Til þess að mæta því að hitabeltisdraumurinn sökkvi í sæ hefir stjórn eyjanna ákveðið að verja $ 500.000,- til bygginga á 3 „fljótandi stjörnulaga eyjum” í 5 hringrifanna. Hollenski arkítektinn Koen Olthuis hjá Waterstudio, NL; var fenginn til þess að hanna eyjurnar, sem eru umhverfisvænar að öllu leyti. Til stendur að byggja 18 holu golfvöll á eyjunum fljótandi og verður að fara milli teiga í gegnum neðansjávarglergöng – þar sem kylfingar koma m.a. til með að sjá kóralrifin fögru neðansjávar, hákarla, skrautfiska og annað hitabeltissjávarlíf á ferð á næsta teig. Fyrirhugað er að aðeins muni taka 5 mínútur með hraðbát að komast á golfvöllinn frá 1 alþjóðlega flugvelli eyjanna; Malé International.
Stjórn Maldíveyja vonast til þess að golfvöllurinn laði að til sín nýja tegund ferðamanna – golfferðamenn – en ferðamennska er aðaltekjulind eyjanna. Að lokum er e.t.v. vert að geta þess að Troon Golf, sem m.a. sá um hönnun á Las Colinas golfvellinum í Alicante á Spáni hefir boðist til að taka að sér hönnun á golfvellinum.
Heimildir: Maldívestraveller og Wikipedia
- júlí. 27. 2024 | 09:00 European Young Masters: Ísland í 16. sæti fyrir lokahringinn
- júlí. 27. 2024 | 07:00 Íslandsmót golfklúbba: GV Íslandsmeistari í 2. deild karla
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:40 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn