Ragnheiður Jónsdóttir | desember. 27. 2017 | 10:00

Nýju stúlkurnar á LPGA 2018: Wichanee Meechai (12/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verða kynntar þær 13 stúlkur, sem deildu 32. sætinu og hlutu takmarkaðan spilarétt og í dag verður Wichanee Meechai kynnt, en sex fyrstu af stúlkunum 13, Alexandra Newell og Lori Beth Adams frá Bandaríkjunum, Pannarat Thanapoolboonyaras frá Thaílandi, Dottie Ardina frá Filippseyjum, kanadíska stúlkan Maude Aimee Leblanc og Camilla Lennarth frá Svíþjóð hafa þegar verið kynntar.

Wichanee Meechai fæddist 5. janúar 1993 og er því 24 ára. Hún er 1,75 á hæð.

Meechi býr í Bankok á Thaílandi og var í Ramkhamhaeng University.

Hún gerðist atvinnumaður í golfi árið 2010 eða aðeins 17 ára.

Meechai var aðeins 1 höggi frá því að fá kortið sitt á LPGA í 1. tilraun sinni í desember 2016, en hún hlaut aðeins takmarkaðan þátttökurétt á LPGA það árið, rétt eins og nú í ár.

Hún hefir þegar 1 sigur í beltinu á kínverska LPGA þ.e. CLPGA og einn sigur á taíwanska LPGA.

Siðan hefir Meechai sigrað tvívegis í heimalandinu á Thai LPGA.

Meechai segir að í draumaholli sínu séu Tiger Woods, Rory Mcllroy og Yani Tseng.