Ragnheiður Jónsdóttir | desember. 21. 2017 | 10:00

Nýju stúlkurnar á LPGA 2018: Lori Beth Adams (10/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verða kynntar þær 13 stúlkur, sem deildu 32. sætinu og hlutu takmarkaðan spilarétt og í dag verður Lori Beth Adams  kynnt, en fjórar fyrstu af stúlkunum 13, Pannarat Thanapoolboonyaras frá Thaílandi, Dottie Ardina frá Filippseyjum, kanadíska stúlkan Maude Aimee Leblanc og Camilla Lennarth frá Svíþjóð hafa þegar verið kynntar.

Lori Beth Adams  fæddist 3. mars 1992 í Burlington, Norður-Karólínu og er því 25 ára.

Lori Beth er dóttir hjónanna Steven og Terry Adams … Frændi hennar, Keith Harris, spilaði golf í UNCW.

Lori Beth byrjaði að spila golf 7 ára.

Meðal áhugamála Lori Beth er að prjóna, vera í körfubolta og samvera með fjölskyldu og vinum.

Hún var í bandaríska háskólagolfinu með golfliði University of North Carolina og má sjá hápunkta ferils hennar í honum með því að SMELLA HÉR: 

Lori Beth átti ágætis áhugamannaferil, en meðal hápunkta á honum er eftirfarandi:

* Hún sigraði 2014 á Seahawk Classic
*Hún var First-team CAA All-Conference selection tvö keppnistímabil í röð
*Hún varð í 2. sæti á  North South Amateur mótinu 2014
*Lori Beth var valin  CGA leikmaður ársins 2015

Lori Beth spilaði í 1 móti á Symetra Tour árið 2016 og síðan í ár í 15 mótum.

Í ár var Lori Beth tvívegis meðal efsti 10 á Symetra en besti árangurinn er T-6 árangur á Self Regional Healthcare Foundation Women’s Health Classic mótinu.