Nýju stúlkurnar á LPGA 2018: Lauren Kim (2/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Þær sem rétt sluppu inn á LPGA mótaröðina í ár voru 5 stúlkur, sem deildu 45. sætinu þ.e. voru T-45 og var ein þeirra Lauren Kim. Katelyn Sepmoree hefir þegar verið kynnt og í dag er það Kim.

Lauren Kim fæddist New Haven, Conneticut; dóttir hjónanna Alex og Soo Kim og á tvö systkini Drew og Caris.

Lauren Kim byrjaði að spila golf 9 ára ung.

Meðal áhugamála Kim eru að fara í gönguferðir, hlaupa, synda, vera í jóga, mála og baka.

Kim lauk keppni T-29 í Q-school árið 2016, þegar Ólafía Þórunn „okkar“ varð í 2. sæti.

Kim var í bandaríska háskólagolfinu og lék með liði Stanford í Kaliforníu (2012-2016) og er útskrifuð það með BA gráðu í nokkru sem á ensku heitir Science, Technology, and Society og útleggst eitthvað sem vísinda-, tækni- og þjóðfélagsfræði.

Helstu afrek hennar þar eru eftirfarandi:

*WGCA Division I First Team All-American árin 2014, 2015, 2016
* Pac-12 Scholar-Athlete ársins 2016
*Pac-12 All-Conference First Team árin 2015, 2016
*Leiddi lið sitt til fyrsta Led national championship árið 2015.

Til þess að fræðast nánar um Lauren Kim má sjá:

*eldri kynningu Golf 1 á Kim frá því í fyrra með því að SMELLA HÉR: 

*eldra viðtal Mercury News við hana frá árinu 2015 með því að SMELLA HÉR: