Nýju stúlkurnar á LPGA 2018: Harang Lee (5/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Þær sem rétt sluppu inn á LPGA mótaröðina í ár voru 5 stúlkur, sem deildu 45. sætinu þ.e. voru T-45 og á aðeins eftir að kynna eina þeirra, japönsku stúlkuna Harang Lee . Katelyn Sepmoree, Lauren Kim, Sakura Yokomine og Allison Emrey hafa þegar verið kynnar og í dag er það Harang.

Harang Lee fæddist 23. desember 1995 og er því aðeins 21 árs.

Harang er dóttir Dae Sung Lee og Young Sook Jae  og hún útskrifaðist með gráðu í neytendahagfræði (ens.: consumer economics) frá University of Georgia nú í ár.

Harang lék einmitt í bandaríska háskólagolfinu með liði Georgía háskóla.

Hún var í Georgia á golfskólastyrk (Women’s Golf Scholarship) skólaárið 2015-2016.

Hér má sjá kynningarmyndskeið með Harang Lee sem gert var eftir að ljóst var að hún væri komin með takmarkaðan spilarétt á LPGA – Sjá með því að SMELLA HÉR: