Nýju stúlkurnar á LPGA 2018: Dani Holmqvist (33/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verður tekið til við að kynna þær 20 stúlkur sem hlutu fullan spilarétt og kortið sitt á LPGA. Búið er að kynna Maríu Torres, sem varð svo sannarlega að berjast fyrir veru sinni á LPGA og hafði betur í bráðabana gegn tveimur öðrum og var ein í 20. sæti.

2 af þeim 4 sem deildu 16. sætinu hafa þegar verið kynntar þ.e. Brianna Do og Celine Herbin og nú á bara eftir að kynna þær Dani Holmqvist og Jessi Tang.

Sænski kylfingurinn Dani Holmqvist  fæddist 3. maí 1988 í Bern, Sviss og er því 29 ára. Hún komst á LET í gegnum Lalla Aicha Tour School árið 2012 og þá kynnti Golf 1 Dani eða Danielu og á sú kynning allt eins við í dag – sjá með því að SMELLA HÉR:

Árið eftir komst Dani í golffréttirnar þegar hún var við keppni í Ástralíu og var bitin af svörtu ekkjunni, eitraðri könguló og notaði tí til að pota eiturbroddinum úr og hélt áfram keppni – sjá með því að SMELLA HÉR:

Dani var kominn með fullan keppnisrétt á LPGA keppnistímabilið 2017 eftir að hafa spilað á LET í 5 ár eða 2012-2017, en gekk ekki nógu vel þannig að hún fór aftur gegnum lokaúrtökumót LPGA og endurnýjaði kortið sitt.

Hún er því enn með fullan keppnisrétt á LPGA 2018.