Ragnheiður Jónsdóttir | janúar. 29. 2018 | 10:00

Nýju stúlkurnar á LPGA 2018: Cindy Lacrosse (36/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verður tekið til við að kynna þær 20 stúlkur sem hlutu fullan spilarétt og kortið sitt á LPGA. Búið er að kynna Maríu Torres, sem varð svo sannarlega að berjast fyrir veru sinni á LPGA og hafði betur í bráðabana gegn tveimur öðrum og var ein í 20. sæti. Eins er búið að kynna þær 4, sem deildu 16. sætinu: Briönnu Do, Celine Herbin, Dani Holmqvist og Jessy Tang.

Nú verða kynntar þær 3 sem deildu 13. sætinu þ.e.: Laetitiu Beck frá Ísrael, Cindy Lacrosse frá Bandaríkjunum og Gemmu Dryburgh frá Skotlandi.

Í gær var Laetitia Beck kynnt – í dag er það Cindy Lacrosse.

Cindy Lacrosse fæddist  er fædd 21. apríl 1987 í Tampa, Flórída og er því 29 ára. Hún er dóttir Doug og Pam LaCrosse, en pabbi hennar Doug spilaði í bandaríska háskólagolfinu með liði University of South Florida.

LaCrosse býr í Tampa, Florida.

Hún lék, líkt og pabbi hennar, í bandaríska háskólagolfinu, lék með golfliði University of Louisville og úrskrifaðist með gráðu í íþróttastjórnsýslu (ens.:sports administration).

LaCrosse gerðist atvinnumaður í golfi árið 2009,og komst þá þegar á Futures Tour þ.e. 21 janúar 2009.

Hún hefir unnið þrívegis á Futures Tour en allir sigrar hennar komu árið 2010: þ.e. á 28. mars 2010 á Riviera Nayarit Challenge; þann 1. ágúst 2010 á Alliance Bank Golf Classic og síðan 5. september 2010 Price Chopper Tour Championship.

Hún lék m.a. á LPGA Championship 2011 og varð T-14 og komst þannig á LPGA í fyrsta sinn.

LaCrosse reyndi fyrir sér í lokaúrtökumóti LPGA 2016 en hlaut þá aðeins takmarkaðan spilarétt á LPGA keppnistímabilið 2017. Nú er hún hins vegar kominn me fullan spilarétt.