Nýju stúlkurnar á LET 2018: Carmen Alonso (24/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu. Eins hafa þrjár stúlkur sem urðu í 16. sæti á samtals 6 undir pari, 354 höggum verið kynntar: Elia Folch frá Spáni; Cloe Frankish frá Englandi og Sanna Nuutinen frá Finnlandi. Næst voru þær sem deildu 14. sætinu kynntar: Mireia Prat og Piti Martinez Bernal, en báðar léku þær á samtals 7 undir pari, 353 höggum. Fimm stúlkur deildu 9. sætinu, en það eru: Julía Engström og Cajsa Persson frá Svíþjóð; Vikki Laing frá Skotlandi; Laura Sedda frá Ítalíu og Elína Nummenpää frá Finnlandi. Þær léku allar á samtals 8 undir pari, 352 höggum. Loks voru þær 3 sem deildu 6. sætinu kynntar, en það eru: Jeanette Marita Engzelius frá Noregi; Nína Pegova frá Rússlandi og Silvia Bañon frá Spáni, en þær léku allar á 9 undir pari, 351 höggi. Loks varð Karoline Lund frá Noregi, ein í 5. sæti á samtals 9 undir pari, 351 höggi ( 73 67 69 72 70) og Gabriella Cowley frá Englandi, varð ein í 4. sæti á samtals 10 undir pari, 350 höggum (74 67 70 72 67). Sú sem deildi 2. sætinu með Carmen Alonso, Manon Molle hefir og verið kynnt. Alonso og Molle léku báðar á  14 undir pari, 346 höggum; Alonso (70 74 69 68 65) og Molle (68 71 70 69 68). Síðan er það sigurvegarinn Casey Danielson frá Bandaríkjunum sem einnig var á 14 undir pari, 346 höggum (67 66 71 72 70), en hún vann hinar tvær í bráðabana um 1. sætið.

Í dag verður Carmen Alonso kynnt sem varð T-2.

Carmen Alonso fæddist  í Valladolid á Spáni 15. júli 1984 og er því 33 ára.

Eftir frábæran áhugamannaferil náði Carmen 30. sætinu í Q-school LET árið 2005, þar sem hún spilaði sem áhugamaður.

Hún gerðist þá þegar atvinnumaður í golfi og var þegar 2005 komin með fullan spilarétt á LET.

Carmen varð European Junior Champion árin 2002 og 2004 og var spænskur meistari áhugamanna 2004.

Carmen varð líka European Amateur Champion árið 2003 og vann the Sherry Cup árið 2001.

Alonso spilaði á LET sem áhugamaður á Spanish Open árin 2002 og 2003 og var besti árangur hennar 18. sætið árið 2003.

Áhugamál Alosnso eru fótbolti, körfubolti, kvikmyndir og að fara út með vinum