Brianna Do ©2015 Scott A. Miller
Ragnheiður Jónsdóttir | janúar. 23. 2018 | 14:00

Nýju stúlkurnar á LPGA 2018: Brianna Do (31/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verður tekið til við að kynna þær 20 stúlkur sem hlutu fullan spilarétt og kortið sitt á LPGA. Í gær var byrjað á Maríu Torres, sem varð svo sannarlega að berjast fyrir veru sinni á LPGA og hafði betur í bráðabana gegn tveimur öðrum og var ein í 20. sæti.

Í dag verður hafist handa við að kynna þær 4 sem deildu 16. sætinu, en það eru Brianna Do, Celine Herbin, Dani Holmqvist og Jessi Tang. Byrjað verður á að kynna Briönnu Do

Brianna Do
©2015 Scott A. Miller

Brianna Do fæddist 3. janúar 1990 á Long Beach, Kaliforníu og er því 28 ára. Hún 1,6 m á hæð.

Do var í Wilson High menntaskólanum og útskrifaðist síðan frá UCLA fyrir 6 árum þar sem hún keppti í 4 ár með háskólaliði sínu í bandaríska háskólagolfinu.

Hún er dóttir Max og Phuong Lam og á 1 bróður Max Jr., og systurina, Dee Dee.

Hún komst á LPGA í fyrstu tilraun sinni 2012 í gegnum Q-school, þ.e. hlaut takmarkaðan spilarétt þá og spilaði aðallega í 2. deildinni, Symetra Tour, en hlaut kortið sitt á LPGA keppnistímabilið 2016. Sjá má viðtal við Do þegar LPGA draumar hennar rættust 2016 með því að SMELLA HÉR:

Það gekk ekkert sérlega vel á LPGA 2016 og var Brianna aftur komin á Symetra 2017. Hún ákvað því að söðla um og reyna fyrir sér í Evrópu.

Meðal hápunkta á ferli Briönnu til þessa er eftirfarandi:

*Varð tvívegis Long Beach Press Telegram leikamaður ársins og þrisvar first team selection.
*Brianna varð tvisvar AJGA All-American selection.
*Briana var í liði Bandaríkjanna í Junior Solheim Cup 2007.
*Hún vann sér inn Second Team All-Pac 10 honors 2010 meðan hún spilaði enn með golfliði UCLA.
*Brianna sigraði US Women’s Amateur Public Links, 2011.

Brianna Do þegar hún sigraði á US Public Links í Bandon Dunes Oregon 2011

Nú keppnistímabilið 2018 er Do að nýju með fullan keppnisrétt á LPGA.