Ragnheiður Jónsdóttir | desember. 22. 2017 | 10:00

Nýju stúlkurnar á LPGA 2018: Alexandra Newell (11/49)

Það voru 49 stúlkur sem hlutu spilarétt á LPGA mótaröðina 2018 í gegnum lokaúrtökumót LPGA sem fram fór á LPGA International vellinum í Flórída dagana 28. nóvember – 3. desember s.l.

Það voru 29 sem hlutu takmarkaðan spilarétt og 20 efstu stúlkurnar sem hlutu kortið sitt á LPGA þ.e. fullan þátttökurétt í öllum mótum LPGA 2018.

Venja hefir verið undanfarin ár að kynna „nýju“ stúlkurnar á LPGA og líkt og áður verður byrjað að kynna þær sem rétt sluppu inn á mótaröðina og hlutu takmarkaðan spilarétt endað á þeirri sem sigraði í lokaúrtökumótinu, en það var japanska stúlkan Nasa Hataoka.

Nú verða kynntar þær 13 stúlkur, sem deildu 32. sætinu og hlutu takmarkaðan spilarétt og í dag verður Alexandra Newell kynnt, en fimm fyrstu af stúlkunum 13, Lori Beth Adams frá Bandaríkjunum, Pannarat Thanapoolboonyaras frá Thaílandi, Dottie Ardina frá Filippseyjum, kanadíska stúlkan Maude Aimee Leblanc og Camilla Lennarth frá Svíþjóð hafa þegar verið kynntar.

Alexandra Newell fæddist 9. apríl 1993 í Tampa Flórída og er því 24 ára. Hún er dóttir hjónanna Robin og Jon Newell.

Alexandra spilaði í bandaríska háskólagolfinu með University of Tennessee, en báðir foreldrar hennar voru og í Tennessee háskóla.

Sjá má afrek Alexöndru í bandaríska háskólagolfinu með því að SMELLA HÉR: 

Uppáhaldsíþróttamaður Alexöndru er Lindsey Vonn.

Fræðast má nánar um Alexöndru með því að skoða heimasíðu hennar SMELLIÐ HÉR: