Nýju stúlkurnar á LPGA 2017: Ssu Chia Cheng (48/54)

Þann 30. nóvember – 4. desember 2016 fór fram 3. stigs mót LPGA, lokaúrtökumót um hverjar 20 myndu hljóta fullan keppnisrétt á LPGA keppnistímabilið 2016-2017 og hvaða keppendur hlytu takmarkaðan keppnisrétt þ.e. þær sem voru í sætum 21-45 og þær sem jafnar voru í 45. sætinu eða T-45.

155 þátttakendur voru að þessu sinni.

Næst verða þær kynntar, sem deildu 6. sætinu og hlutu kortið sitt og FULLAN keppnisrétt á LPGA, en það eru Ssu Chia Cheng (73 66 69 72 71) frá Tapei og Beth Allen (71 72 68 68 72)  frá Bandarikjunum.

Þær léku báðar á samtals á 9 undir pari 351 höggi.

Ssu Chia Cheng fæddist 28. október 1998 og er því 18 ára. Hún vann sinn fyrsta LET titil aðeins 17 ára,  haustið 2016 í heimaríki sínu, en þetta var í fyrsta sinn sem mótið var haldið þ.e. Xiamen Open, en það telst hluti af Evrópumótaröð kvenna.

Nýliðaár Ssu Chia var 2015 og hún varð nr. 14 á peningalistanum á LET.

Ssu Chia hefir spilað í 9 mótum á LPGA og besti árangur hennar þar er T-15 á Fubon LPGA Taiwan Championship 2014.

Hún hefir þegar sigrað á 4 mótum á TLPGA þ.e. LPGA í Taíwan.

Hér má sjá myndskeið með myndum af Ssu Chia, sem er oft kölluð Scarlett og eins fallegri sveiflu hennar SMELLIÐ HÉR: