Ragnheiður Jónsdóttir | janúar. 28. 2017 | 18:00

Nýju stúlkurnar á LPGA 2017: Dori Carter (38/54)

Þann 30. nóvember – 4. desember 2016 fór fram 3. stigs mót LPGA, lokaúrtökumót um hverjar 20 myndu hljóta fullan keppnisrétt á LPGA keppnistímabilið 2016-2017 og hvaða keppendur hlytu takmarkaðan keppnisrétt þ.e. þær sem voru í sætum 21-45 og þær sem jafnar voru í 45. sætinu eða T-45.

155 þátttakendur voru að þessu sinni.

Nú hafa þær stúlkur verið kynntar sem rétt sluppu inn á LPGA og eru með takmarkaðan keppnisrétt 2017.

Nú næst verða þær ótrúlegu heppnu, sem deildu 14. sætinu og hlutu kortið sitt og FULLAN keppnisrétt á LPGA kynntar – en allar léku þær á samtals 5 undir pari, 355 höggum.

Þetta er þær Katherine Perry frá Bandaríkjunum (74 70 70 71 70); Dani Holmqvist frá Svíþjóð (71 70 71 72 71); Regan De Guzman frá Filippseyjum (71 68 70 74 72); Dori Carter frá Bandaríkjunum (75 69 74 63 74) og Nasa Hataoka frá Japan (68 65 69 75 78).

Dani Holmqvist hefir þegar verið kynnt og í kvöld er það Dori Carter.

Dori Carter fæddist 3. febrúar 1987 og er því 29 ára. Hún er frá Valdosta í Georgíuríki í Bandaríkjunum.

Dori byrjaði að spila golf 8 ára. Hún segir foreldra sína vera þá aðila, sem haft hafa mest áhrif á golfferil hennar. Meðal áhugamála Dori er að spila á gítar, fylgjast með háskólaíþróttunum í Bandaríkjunum og horfa á kvikmyndir.

Sem áhugamaður tók Dori þátt í U.S. Women’s Open Championship risamótinu árið 2005 og árið 2009 var hún sigurvegari á USGA State Team Championship. Hún spilaði golf með golfliði University of Mississippi, þar var Carter tvívegis All-SEC First-Team selection (2008, 2009), Golfweek All-American árið 2009 og NCAA All-American, árið 2008.

Árið 2012 gerðist Dori Carter atvinnumaður í golfi. Hún komst strax á Symetra Tour þar sem hún vann Pennsylvania Classic 2010. Hún komst síðan seinna það ár strax á LPGA í fyrstu tilraun. Keppnistímabilið 2011 var henni þó ekki gott á LPGA, besti árangur hennar þar var T-47 árangur á Avnet LPGA Classic. Með þátttöku sinni í Q-school heldur Dori kortinu sínu eitt keppnistímabil enn.

Til þess að komast á heimasíðu Dori SMELLIÐ HÉR: