Nýju stúlkurnar á LPGA 2017: Dani Holmqvist (37/54)

Þann 30. nóvember – 4. desember 2016 fór fram 3. stigs mót LPGA, lokaúrtökumót um hverjar 20 myndu hljóta fullan keppnisrétt á LPGA keppnistímabilið 2016-2017 og hvaða keppendur hlytu takmarkaðan keppnisrétt þ.e. þær sem voru í sætum 21-45 og þær sem jafnar voru í 45. sætinu eða T-45.

155 þátttakendur voru að þessu sinni.

Nú hafa þær stúlkur verið kynntar sem rétt sluppu inn á LPGA og eru með takmarkaðan keppnisrétt 2017.

Nú næst verða þær ótrúlegu heppnu, sem deildu 14. sætinu og hlutu kortið sitt og FULLAN keppnisrétt á LPGA kynntar – en allar léku þær á samtals 5 undir pari, 355 höggum.

Þetta er þær Katherine Perry frá Bandaríkjunum (74 70 70 71 70); Dani Holmqvist frá Svíþjóð (71 70 71 72 71); Regan De Guzman frá Filippseyjum (71 68 70 74 72); Dori Carter frá Bandaríkjunum (75 69 74 63 74) og Nasa Hataoka frá Japan (68 65 69 75 78).

Byrjað verður á því að kynna Dani Holmqvist frá Svíþjóð.

Dani fæddist 3. maí 1988 í Bern, Sviss og er því 28 ára. Hún komst á LET í gegnum Lalla Aicha Tour School árið 2012 og þá kynnti Golf 1 Dani eða Danielu og á sú kynning allt eins við í dag – sjá með því að SMELLA HÉR:

Árið eftir komst Dani í golffréttirnar þegar hún var við keppni í Ástralíu og var bitin af svörtu ekkjunni, eitraðri könguló og notaði tí til að pota eiturbroddinum úr og hélt áfram keppni – sjá með því að SMELLA HÉR:

Nú er Dani sem sagt komin með fullan keppnisrétt á LPGA keppnistímabilið 2017 eftir að hafa spilað á LET í 5 ár eða frá 2012.