Ragnheiður Jónsdóttir | mars. 18. 2016 | 14:00

Nýju stúlkurnar á LPGA 2016: Jiyai Zhou (24/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 18 stúlkur verið kynntar, 7 sem urðu T-43 í lokaúrtökumótinu og voru neðstar af þeim sem hlutu þátttökurétt á LPGA; síðan Caroline Westrup og Samantha Richdale, sem deildu 41. sætinu; þær 5 sem urðu í 36. sæti þ.e. Karlin Beck, Nicole Jeray, Ani Gulugian og Ssu Chia Cheng og Anne-Catherine Tanguay frá Kanada og svo þær 4 sem deildu 32. sætinu: Su Oh; Demi Runas; Heather Bowie Young og Pavarisa Yoktuan.

Nú að undanförnu hafa verið kynntur 5 af þeim 6, sem deildu 26. sætinu en það eru: Briana Mao frá Bandaríkjunum; Marion Ricordeau frá Frakklandi; Prima Thammaraks frá Thaílandi;Brittany Altomare frá Bandaríkjunum og stúlkuna með langa eftirnafnið Sherman Santiwiwatthanaphong . Aðeins á nú eftir að kynna kínversku stúlkuna Jiyai Zhou og verður hún kynnt í dag.

Hún varð atvinnumaður í golfi 2015 og spilaði fyrst á kínverska LPGA.

Zhou byrjaði að spila golf 14 ára.

Meðal áhugamála Zhou er að horfa á kvikmyndir, vera á hjólaskautum, syngja og synda.