Nýju stúlkurnar á LPGA 2016: Cheyenne Woods (37/49)

Lokaúrtökumót LPGA, m.ö.o Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 36 stúlkur verið kynntar og verður nú sú seinni af tveimur, Cheyenne Woods, sem deildu 13. sætinu kynnt, en hin fyrri Sandra Changkija var kynnt í gær.

Báðar léku þær á samtals 6 undir pari, hvor, 354 höggum; Sandra (71 71 68 71 73) og Cheyenne (71 69 72 73 69).

Cheyenne Nicole Woods fæddist í Phoenix, Arizona, 25. júlí 1990 og er því 26 ára. Hún er dóttir Earl Dennison Woods Jr., sem er hálfbróðir Tiger Woods. Afi hennar, Earl Woods, (pabbi Tiger) var fyrsti þjálfarinn hennar.

Cheyenne spilaði golf með golfliði Xavier College Preparatory og vann tvö ár í röð Arizona 5A State Championships, þ.e. árin 2006 og 2007.

Cheyenne Woods.

Cheyenne var við nám og spilaði með golfliði Wake Forest University (útskrifaðist 2012) og var liðsfélagi hennar m.a. Ólafía Þórunn Kristinsdóttir, GR, en þær báðar léku undir merkjum Demon Deacons. Cheyenne átti glæstan áhugamannsferil þar sem hún vann meira en 30 mót.

Árið 2009 hlaut Cheyenne undanþágu styrktaraðila til þess að spila í LPGA móti, þ.e. the Wegmans LPGA. Hún komst ekki í gegnum niðurskurð og munaði aðeins 4 höggum i þessari fyrstu tilraun hennar á þessari sterkasti mótaröð heims.

Cheyenne Woods og kengúra í Ástralíu

Í april 2011 vann Cheyenne the Atlantic Coast Conference Championship (ACC).

Árið 2012, gerðist Woods atvinnumaður eftir útskrift frá Wake Forest.

Hún hlaut þátttökurétt á U.S. Women’s Open risamótinu 2012, eftir að hún og önnur deildu með sér efsta sætinu í úrtökumóti fyrir þetta eitt vinsælasta risamót kvennagolfsins, og hóf atvinnumannsferil sinn með stæl á enn öðru risamóti: LPGA Championship 2012.

Cheyenne náði fyrsta sigri sínum á atvinnumannsmóti á móti á SunCoast Ladies Series seint í ágúst 2012.

Cheyenne Woods

Hún sigraði hins vegar í fyrsta sinn á Evrópumótaröð kvenna 9. febrúar 2014 á Volvik RACV Ladies Masters, í Queensland, Ástralíu, en mótið telst jafnframt sem sigur á ALPG, þ.e. áströlsku LPGA Fyrir sigurinn hlaut Cheyenne $57.000,- og 2 ára undanþágu á Evrópumótaröð kvenna.

Í árslok 2014 fór Cheyenne síðan í Q-school LPGA og er komst á LPGA, keppnistímabilið 2015 eftir glæsilegan árangur og 11.-17. sætið þar eins og að framan greinir.

Í Q-school í árslok 2015 bætti Cheyenne um betur og náði nú 13.-14. sætinu, sem er stórglæsilegur árangur og heldur hún því korti sínu á LPGA.