Nýju stúlkurnar á LPGA 2015: Simin Feng (39/45)

Nú hafa allar stúlkurnar verið kynntar sem urðu í 9.-45. sætinu á lokaúrtökumóti LPGA, sem fram fór 3.-7. desember 2014.

Þær sem eru í 1.-20. sæti eru með fullan spilarétt en hinar sem urðu í 21.-45. sæti með takmarkaðan spilarétt.

Lokaúrtökumótið fór fram á Hill og Jones golfvöllunum á  LPGA International, á Daytona Beach, í Flórída.

Nú er komið að því að kynna þær sem urðu T-6 þ.e. Sei Young Kim frá S-Kóreu, Simin Feng, frá Kína og Ha Na Jang frá S-Kóreu.

Síðast var Sei Young Kim kynnt og í dag er röðin komin að hinni kínversku Simin Feng.

Simin Feng lék á samtals 7 undir pari, 353 höggum (69 72 67 70 75) á lokaúrtökumótinu.

Simin Feng fæddist 7. apríl 1995 í Peking í Kína og er því 20 ára.

Hún byrjaði í golfi 9 ára og segir foreldra sína, Too Yuan og Liguang þá sem mest áhrif hafa haft á feril hennar.

Feng hefir æft golf frá því hún byrjaði að spila og býr í Windemere, Flórída þar sem hún hefir verið með bestu kennarana.  Eftir útskrift í Winderemere High-school innritaðist Feng í Vanderbilt háskólann þar sem hún stundaði nám í 2 ár. – Nú spilar hún á LPGA, en hún komst á mótaröðina í 1. tilraun sinni.

Feng nýtur þess að snæða mismunandi mat, að ferðast til ólíkra staða, handsnyrtingu og tískuklæðnaðar.

Hún er 4. kínverska stúlkan til að spila á LPGA.  Jafnframt er hún fyrsti táningurinn og áhugamaðurinn til þess að sigra á CLPGA, þ.e. þegar hún sigraði á Wuhan Orient Masters Challenge árið 2012.