Nýju stúlkurnar á LPGA 2015: Ryann O´Toole (41/45)

Nú hafa allar stúlkurnar verið kynntar sem urðu í 6.-45. sætinu á lokaúrtökumóti LPGA, sem fram fór 3.-7. desember 2014.

Þær sem eru í 1.-20. sæti eru með fullan spilarétt en hinar sem urðu í 21.-45. sæti með takmarkaðan spilarétt.

Lokaúrtökumótið fór fram á Hill og Jones golfvöllunum á LPGA International, á Daytona Beach, í Flórída.

Nú er komið að því að kynna þann kylfing, sem varð í 5. sæti í mótinu; bandaríska kylfinginn Ryann O´Toole.

Ryann O´Toole

Ryann lék á samtals 8 undir pari, 352 höggum (67 71 73 71 70) á lokaúrtökumótinu.

Ryan O´Toole fæddist í Agoura Hills, í Kaliforníu 11. febrúar 1987 og er því 28 ára. O´Toole býr í San Clemente í Kaliforníu, en þaðan útskrifaðist hún m.a. úr San Clemente High School 2005.  O´Toole á m.a. vallarmetið í  Colwood Golf Club í Victoria, British Columbia, í Kanada, upp á  66 högg.

Ryan O´Toole gerðist atvinnumaður í golfi 2009 og hefir sigrað þrívegis á Symetra Tour.

Árið 2010 var O´Toole m.a. í golfraunveruleikaþættinum The Big Break Sandals Resort á Golf Channel. O’Toole varð í 6. sæti af 11 kylfingum sem þátt tóku.

Það kom mörgum á óvart þegar hún var valin í 2011 Solheim Cup lið Bandaríkjanna af Rosie Jones fyrirliða.

Sjá má viðtal Golf Digest við Ryann O´Toole 2011 með því að SMELLA HÉR: 

Í dag, 2015 er O´Toole í 236. sæti á Rolex-heimslista kvenna.

Ryan O´Toole hefir m.a. verið á lista yfir heitustu kvenkylfinga LPGA mótaraðarinnar sjá t.a.m. með því að SMELLA HÉR: