Nýju stúlkurnar á LPGA 2014: Natalie Sheary, Lindy Duncan og Kristie Smith (6-8/48)

Það voru 48 stúlkur sem hlutu kortin sín á LPGA 8. desember 2013; 20 hlutu fullan keppnisrétt og aðrar 28 takmarkaðan, í gegnum Q-school Stage III, þ.e. lokaúrtökumótið á LPGA International, á Daytona Beach í Flórída.

Hér verða allar stúlkurnar 48 kynntar en sá háttur hafður á að 2-3 stúlkur, sem urðu í 21.-48. sæti verða kynntar saman en síðan verður sérkynning  á hverri þeirra 20 stúlkna, sem hlaut fullan spilarétt.

Niðurskurður var að þessu sinni miðaður við slétt par, þ.e. allar sem voru á pari eða betur hlutu einhvern keppnisrétt á LPGA.

Í kvöld verða kynntar fyrstu 3 af 6 sem voru T-38 þ.e. voru í 38.-43. sæti.

Natalie Sheary

Þessar fyrstu 3 eru Natalie Sheary og Lindy Duncan frá Bandaríkjunum  og Kristie Smith frá Ástralíu.

Byrjað verður á Sheary.

Natalie Sheary fæddist 30. maí  1989 í West Hartford, Conneticut og er því 25 ára.

Hún byrjaði í  golfi 12 ára og segir pabba sinn hafa haft mest áhrif á golfferil sinn.

Sheary var í  bandaríska háskólagolfinu og spilaði með sama golfliði og Ólafía Þórunn okkar Kristinsdóttir, Wake Forest.  Hún gerðist síðan atvinnumaður í golfi sama ár og hún útskrifaðist 2011.

Áhugamál Natalie er að læra nýja hluti gegnum bækur og kvikmyndir, að horfa á Netflix, kanna nýja staði og fara í ræktina.  Natalie komst á  LPGA í  3. tilraun sinni.

Lindy Duncan

Lindy Duncan

Lindy Duncan fæddist 16. janúar 1991 og er því 23 ára.

Hún byrjaði í  golfi 9 ára og segir pabba sinn hafa haft mest áhrif á golfferil sinn.

Áhugamál Lindy er að hlusta á tónlist, horfa á kvikmyndir og ……sofa!

Lindy útskrifaðist frá Duke med gráðu i sálfræði 2013 og spilaði 4 ár í  bandaríska háskólagolfinu. Hún komst á LPGA í fyrstu tilraun sinni.

Kristie Smith

Kristie Smith

Kristie Smith fæddist 7. ágúst 1988 í Perth, Ástralíu og er því 25 ára.  Hún er dottir golfleikarans Wayne Smith.

Kristie var 1 ár i Oklahoma State University og spilaði með golfliði skólans.

Kristie gerðist atvinnumaður í golfi 2009 og hlaut það ár bæði keppnisrétt á LET og Symetra Tour.

Hún hefir sigrað 1 sinni á LET, 2 sinnum á Symetra Tour og 2 sinnum á ALPG.